အကန့်အသတ်မဲ့
အလုပ်အပြီးသတ်ရန် သတ်မှတ်ထားသောရက်များ နီးကပ်လာသည်နှင့်အမျှ ကျွန်တော် မအီမသာ ဖြစ်နေသည်။ စားသောက်ဆိုင်၌ထိုင်ရင်း အသားညှပ် ပေါင်မုန့်ကို တစ်ကိုက်ကိုက်လိုက်သည်။ ပတ်ဝန်းကျင်၌ မိမိတို့၏လုပ်ငန်း ဆောင်တာများအတွက် လူတို့ဗျာများလျက် သွားလာနေကြသည်။ လူသား များသည် 'အချိန်၊ စွမ်းအင်နှင့် လုပ်ဆောင်နိုင်စွမ်းတို့တွင် အကန့်အသတ် ရှိနေကြောင်း' ကျွန်တော်ဆင်ခြင်မိပါသည်။
အရေးကြီးသောအလုပ်များအတွက် ဦးစားပေးလုပ်ရန် စာရင်းသစ်တစ်ခုကို ရေးဆွဲရန် စဥ်းစားလိုက်သော်လည်း အခြားအတွေးတစ်ခုက ခေါင်းထဲဝင်လာသည်။ အဆုံးအစမရှိ၊ အကန့်အသတ်မရှိသော၊ သူ့အလိုမှန်သမျှကို လွယ်ကူစွာ ပြီးမြောက်စေသော တစ်ပါးတည်းသောဘုရား၏အကြောင်းကို စဥ်းစားမိပါသည်။
ဤဘုရားသည် ပင်လယ်ရေများကို လက်ခုပ်ဖြင့်ချင်တွယ်သူ၊ မြေမှုန့်ကို တင်းတောင်းဖြင့် ချင့်တွက်သူ (ဟေ ၄၀:၁၂)၊ ကြယ်တို့ကိုနာမည်ဖြင့် မှည့်ခေါ် ထုတ်ဆောင်သောသူ (:၂၆)၊ မင်းတို့ကိုရှုံ့ချ၍ ၎င်းတို့ကောင်းစွာ ပြုသည်မပြုသည်ကို စောင့်ကြည့်သောသူ (:၂၃)၊ ကျွန်းတို့ကို လွင့်တတ်သောအဏုမြူကဲ့သို့မှတ်၍ လူအမျိုးမျိုးတို့ကို ရေစက်မှကျသောရေကဲ့သို့ မှတ်သောသူ (:၁၅)ဟု…
ခရစ်တော်၌ ပြည့်ဝစုံလင်ခြင်း
နာမည်ကြီးရုပ်ရှင်တစ်ခုတွင် မင်းသားသည် အိမ်ထောင်ပြိုကွဲတော့မည့် အောင်မြင်သောအားကစားအေးဂျင့်အဖြစ် သရုပ်ဆောင်ထားသည်။ သူ့ဇနီးဒေါရသီကို ပြန်သိမ်းပိုက်နိုင်အောင်ကြိုးစားစဉ် သူမ၏မျက်လုံးကိုကြည့်ပြီး “မင်းက ငါ့ဘဝကို ပြည့်စုံစေတယ်” ဟုပြောခဲ့သည်။ ဤစကားသည် ဂရိဒဿနပုံပြင် တစ်ပုဒ်ကို ထင်ဟပ်သော နွေးထွေးသည့် စကားလေးဖြစ်သည်။ ဤဒဏ္ဍာရီအရ ကျွန်ုပ်တို့အယောက်စီတိုင်းသည် 'တစ်ဝက်သာရှိသည့်အပိုင်း'ဖြစ်ပြီး တစ်ခုတည်း ဖြစ်ရန်အတွက် 'အခြားသောအပိုင်း'ကို ရှာရမည်ဖြစ်သည်။
စွဲမက်ချစ်ဖွယ်သောလက်တွဲဖော်က မိမိဘဝကို'ပြည့်စုံစေ'ကြောင်း ခံယူချက်သည် မျက်မှောက်ခေတ်၌ ရေပန်းစားသော ခေတ်ယဥ်ကျေးမှု ဖြစ်သည်။ သို့သော် ၎င်းသည် မှန်ကန်ပါသလား။ ကလေးမရခြင်းကြောင့် မပြည့်စုံဟုခံစားနေရသူ၊ ကလေးရှိသော်လည်း အခြားအရာတစ်ခုခု ပျောက်ဆုံးသကဲ့သို့ ခံစားနေရသူ စသည့် မပြည့်စုံခြင်းကို ခံစားနေရဆဲဖြစ်သည့် အိမ်ထောင်ရှင်စုံတွဲများစွာနှင့် ကျွန်ုပ် စကားပြောဖြစ်သည်။ နောက်ဆုံးတွင် မည်သည့်လူသားကမှ ကျွန်ုပ်တို့ကို အပြည့်အဝ မဖြည့်ဆည်းပေးနိုင်ပါ။
တမန်တော်ရှင်ပေါလုက အခြားအဖြေတစ်ခုကို ပေးခဲ့သည်။ "ဘုရားသခင်၏ ဇာတိအဖြစ်တော်၏ပြည့်စုံခြင်းအပေါင်းသည် ခရစ်တော်၌ ကိုယ်ထင်ရှား၍ ကျိန်းဝပ်တော်မူ၏။…
ရန်တုံ့မမူဘဲ
လယ်သမားတစ်ဉီးသည် ကောက်နှံများကိုကြည့်ရှုစစ်ဆေးရန် လယ်တောသို့ သူ၏ထရပ်ကားလေးဖြင့် မနက်စောစောသွားခဲ့သည်။ သူ၏လယ်အစွန်ဆုံး ပိုင်းသို့ ရောက်သောအခါ သူ့ဒေါသများ ဆူပွက်သွားသည်။ လယ်မြေအစွန်ပိုင်း လူသူဝေးရာဖြစ်သည်ကို အခွင့်ကောင်းယူပြီး လူတစ်ဉီးက အမှိုက်သရိုက်များကို ထပ်ပြီး လာပုံထားခြင်းကြောင့်ဖြစ်သည်။
စားကြွင်းစားကျန်အမှိုက်အိတ်ကို သူကားပေါ်တင်လိုက်စဉ် စာအိတ် တစ်အိတ်ကိုတွေ့သဖြင့် ကြည့်လိုက်ရာ အမှိုက်လာပစ်သူ၏လိပ်စာကို တွေ့လိုက် ရသည်။ ထိုအခွင့်အရေးကို လက်လွတ်ရန် နှမျောစရာကောင်းလှပါဘိ။ ထိုညတွင် လယ်သမားကြီးသည် သူတင်လာသည့်အမှိုက်များသာမက သူ့အမှိုက်များကိုပါ ထိုသူ၏ခြံအတွင်းသို့ သွားပစ်ခဲ့တော့သည်။
လက်စားချေခြင်းက ချိုမြိန်သည်ဟု ဆိုကြသည်။ သို့သော် ၎င်းသည် မှန်ပါ သလား။ ဓမ္မရာဇဝင်ပဌမစောင် အခန်းကြီး ၂၄ တွင် ဒါဝိဒ်နှင့် သူ့လူများသည် ၎င်းတို့ကိုလိုက်သတ်နေသည့် ရှောလုမင်း၏ရန်မှ လွတ်အောင် ဂူတစ်ဂူ၌ ပုန်းအောင်း နေကြသည်။ ရှောလုမင်း ကလည်း ခေတ္တနားနေရန် ထိုဂူထဲသို့ပင် ဝင်လာခဲ့သည်။ ဒါဝိဒ်အနေနှင့် ရန်တုံ့ပြန်ရန်…
ကြီးမြတ်ခြင်း
အင်္ဂလန်မြောက်ပိုင်း၌ Cuthbert (ခါ့ဗက်ထ်)သည် လူအများ၏မေတ္တာခံယူရသူဖြစ်သည်။ သူသည် ၁၇ ရာစုအတွင်း ဒေသအတော်များများ၌ ဧဝံဂေလိတရားဝေငှခြင်း ကဏ္ဍ၌ တာဝန်ရှိသူဖြစ်ပြီး တော်ဝင်မျိုးနွယ်များကို အကြံပေးဆွေးနွေးခြင်းနှင့် တိုင်းပြည်အရေးကိုလည်း သြဇာလွှမ်းမိုးသူဖြစ်သည်။ သူသေဆုံးပြီးနောက်ပိုင်း သူ့အားဂုဏ်ပြုသောအားဖြင့် Durham (ဒါရမ်)မြို့ကို တည်ခဲ့သည်။ သို့သော် Cuthbert ချန်ခဲ့သောအမွေအနှစ်မှာ ဤအရာများထက်သာလွန်ပါသည်။
မြောက်ပိုင်းဒေသ၌ ပုလိပ်ကပ်ရောဂါဖြစ်ပွားချိန်တွင် Cuthbert သည် ရောဂါဘေးသင့်သည့်မြို့များရှိ လူတို့ကို သွားရောက်အားပေးနှစ်သိမ့်ခဲ့သည်။ ရွာတစ်ရွာမှထွက်ပြီး ခရီးဆက်ကာနီးတွင် ကလေးငယ်တစ်ဉီးကို ပွေ့ဖက်ထားသည့် မိခင်တစ်ဦးအတွက် ဆုတောင်းပေးရန် ကျန်နေသေးကြောင်းတွေ့ရသည်။ သူမသည် သားတစ်ဦးကိုဆုံးရှုံးခဲ့ရပြီး ယခုချီထားသည့် ကလေးမှာလည်း သေလုနီးပါးဖြစ်နေ သည်။ Cuthbert သည် အဖျားတက်နေသည့်ကလေးလက်ကို ဆုပ်ကိုင် ဆုတောင်းပေးပြီး သူ့နဖူးကိုနမ်းလိုက်ကာ မိခင်အား "မစိုးရိမ်ပါနဲ့။ နောက်ထပ် မင်းရဲ့အိမ်သားတွေ မသေတော့ပါဘူး" ဟုပြောလိုက်သည်။ ထိုသားလေးမှာ အသက်ရှင်ခဲ့သည်။
တစ်ချိန်က ရှင်ယေရှုသည်…
မနာလိုငြူစူမှုကို အောင်နိုင်ခြင်း
Amadeus (အမေးဒီးရပ်စ်) ရုပ်ရှင်ဇာတ်ကားထဲ၌ သက်ကြွယ်တေးရေးဆရာ Antonio Salieri (အန်တိုနီရို စလေးရီး)က သူရေးဖွဲ့ထားသောတေးဂီတ အချို့ကို အလည်လာသောဘုန်းတော်ကြီးအား စန္ဒရားဖြင့် တီးခတ်ဖျော်ဖြေသည်။ ရှက်ရှက် နှင့် ဘုန်းတော်ကြီးက သူမမှတ်မိကြောင်းဝန်ခံသည်။ "ဒါဆို ဒီတစ်ပုဒ်ရော"ဟု မေးပြီး အတော်လေးအကျွမ်းဝင်သည့် သံစဉ်ကို Salieri တီးပြသည်။ "ဒီသီချင်းကို မင်းရေးမှန်း ငါမသိဘူး"ဟုဘုန်းတော်ကြီးကဖြေရာ "ကျွန်တော် မရေးပါဘူး။ အဲဒါကို Mozart (မိုဇက်)ရေးတာ"ဟု သူပြန်ပြောလိုက်သည်။ မိုဇက် သေဆုံးပြီး မိုဇက်၏တေးသွားကို တီးခတ်နေသည့်တိုင် မိုဇက်၏ အောင်မြင်မှုက Salieri ကို အတော်လေး မနာလိုဖြစ်စေကြောင်း ရုပ်ရှင်ကြည့် ပရိတ်သတ်များ တွေ့ရှိရသည်။
နောက်ထပ် မနာလိုငြူစူသည့်ဇာတ်လမ်းတစ်ပုဒ်မှာ အဓိကအားဖြင့် သီချင်းတစ်ပုဒ်ကြောင့် ဖြစ်လာသည်။ ဒါဝိဒ်သည် ဂေါလျတ်အား အောင်မြင်ပြီးနောက် "ရှောလုအထောင်ထောင်၊ ဒါဝိဒ်အသောင်းသောင်း သတ်လေစွတကား ..." (၁ ရာ…
စိတ်ချမှုအပြည့်ရှိသောဆုတောင်းချက်
ရစ်ချတ်နှင့် စူစန်တို့သည် ကလေးရရန် နှစ်ပေါင်းများစွာကြိုးစားခဲ့ပြီးနောက် စူစန်ကိုယ်ဝန်လွယ်ရသောအခါ အလွန်၀မ်းမြောက်ခဲ့ကြသည်။ သို့သော် သူမ၏ ကျန်းမာရေးအခြေအနေအရ ကလေးအသက်စိုးရိမ်ရသဖြင့် ဇနီးသည်နှင့် ကလေးအတွက် ရစ်ချတ် ညတိုင်းဆုတောင်းခဲ့သည်။ တစ်ညတွင် ဘုရားသခင်က အရာရာကို ဂရုစိုက်ကာ စောင်မနေမည်ဟု ကတိတော်ရှိသည့်အတွက် ယခုကဲ့သို့ အပူတပြင်းဆုတောင်းရန်မလိုဟု သူခံစားမိသည်။ သို့သော် တစ်ပတ်အကြာတွင် စူစန် ကိုယ်ဝန်ပျက်ကျသွားသည်။ ရစ်ချတ်လည်း ၀မ်းနည်းပက်လက် ဖြစ်ခဲ့ရပြီး ပြင်းထန်စွာဆုမတောင်းခဲ့၍ ကလေးကို ဆုံးရှုံးခဲ့ရလေသလားဟု သူတွေးမိသည်။
ယနေ့ဖတ်ရန်ကျမ်းချက်ကို ပထမဆုံးဖတ်လိုက်သည်နှင့် ပုံဥပမာလေးက ထိုအတွေးကို ဆိုလိုသည်ဟု ထင်မှတ်မိလိမ့်မည်။ ပံုပြင်ထဲ၌ စိတ်ညစ်ရလောက်အောင် ဆက်တိုက် အကူအညီတောင်းနေသောမိတ်ဆွေကြောင့် အိမ်နီးချင်းသည် အိပ်ရာ မှထခဲ့ခြင်းသာဖြစ်သည် (လု ၁၁:၅-၈) (ထိုအိမ်နီးချင်းသည် ဘုရားသခင်ကို ရည်ညွှန်း သည်ဟု တစ်ခါတစ်ရံ ယူဆသည်)။ ကျွန်ုပ်တို့တကျည်ကျည်တောင်းမှ လိုရာများကိုဘုရားသခင်ပေးမည်၊ ကျွန်ုပ်တို့ လုံလောက်စွာကြိုးစားပြီး ဆုမတောင်းလျှင်…
ဘုရားသခင်၏သားသမီးများ
တစ်ခါက လောကီရေးရာဆွေးနွေးပွဲတစ်ခု၌ ကလေးမရှိသောစုံတွဲများအတွက် ကျွန်ုပ်ဟောပြောခဲ့သည်။ ဆွေးနွေးပွဲလာတက်သူများစွာမှာ အမြုံ ဖြစ်သည့်အတွက် သူတို့အနာဂတ်အတွက် မျှော်လင့်ချက်ကင်းမဲ့နေကြသည်။ ကျွန်ုပ်ကိုယ်၌က ကလေးမရခဲ့သည့်အတွက် "ခင်ဗျားတို့ကို ကြောက်မက်ဖွယ်သောလက္ခဏာ၊ ထူးဆန်းသော လက္ခဏာတွေနဲ့ဖန်ဆင်းထားတယ်ဆိုတာကို ကျွန်ုပ်ယုံကြည်တယ်။ ရည်ရွယ်ချက် အသစ်တစ်ခု ရှာဖွေရပါမယ်။ မိဘ မဖြစ်ရပေမယ့်လည်း အခြားအဓိပ္ပာယ်ရှိတဲ့ ဖြစ်တည်မှုတစ်ခုခုရရှိနိုင်ပါတယ်"ဟု သူတို့ကို ကြိုးစားပြီး ခွန်အားပေးခဲ့သည်။
နောက်ပိုင်း၌ အမျိုးသမီးတစ်ဦးက မျက်ရည်များဖြင့် ကျွန်ုပ်အနား ရောက်လာပြီး "ရှင့်ကိုကျေးဇူးတင်ပါတယ်။ ကလေးမရနိုင်တဲ့အတွက် ကိုယ့်ကိုယ်ကိုယ်တန်ဖိုးမဲ့တယ်လို့ခံစားနေရတာ။ ကျွန်မကို ကြောက်မက်ဖွယ်သောလက္ခဏာ၊ ထူးဆန်းသောလက္ခဏာနဲ့ ဖန်ဆင်းထားတယ်ဆိုတဲ့စကားကို ကြားဖို့လိုအပ်နေ တာပါ" ဟုဆိုသည်။ "မမက ယေရှုကို ယုံကြည်သူလား"ဟု ကျွန်ုပ်မေးလိုက်ရာ "ကျွန်မက ဘုရားသခင်ကို ကျောခိုင်းခဲ့တာ ကြာပါပြီ။ ဒါပေမဲ့ ဘုရားရှင်နဲ့ နောက်တစ်ဖန်ပြန်ဆက်သွယ်ဖို့ လိုအပ်နေပြီ"ဟု ပြန်ဖြေခဲ့သည်။
ဤကဲ့သို့သောအချိန်မျိုးတွင် ဧဝံဂေလိတရား၏လေးနက်မှုကို ကျွန်ုပ် ပြန်ပြီး အမှတ်ရမိသည်။ လူအချို့အတွက်…
ကျွန်ုပ်တို့၏စစ်မှန်သောပင်ကိုမူလ
ကျွန်တော့်မိဘများ၏ ဓာတ်ပုံ အယ်လ်ဘမ်ဟောင်းထဲတွင် သူငယ်တစ်ဦး၏ပုံ ရှိသည်။ မျက်နှာဝိုင်းဝိုင်း၊ မဲ့ခြောက်နှင့် ဖြောင့်စင်းနေသော ရွှေဝါရောင်ဖေော့ ဆံပင် ရှိသူဖြစ်သည်။ ကာတွန်းကားကို နှစ်သက်ပြီး ထောပတ်သီးကို မကြိုက်ပါ။ Abbaအဖွဲ့၏သီချင်းဓာတ်ပြားတစ်ခုကို သူပိုင်သည်။ ထိုအယ်လ်ဘမ်ဟောင်းထဲတွင် ဆယ်ကျော်သက်ကောင်လေး တစ်ဉီး၏ဓာတ်ပုံများလည်း ရှိသေးသည်။ သူ့မျက်နှာက သွယ်ပြီး ဆံပင်က လှိုင်းတွန့်များနှင့် ပြေပြေလေးကောက်နေသည်။ သူ့မျက်နှာပေါ်တွင် မဲ့ခြောက်များမရှိပါ။ ထောပတ်သီးကိုကြိုက်ပြီး ကာတွန်းထက် ရုပ်ရှင်ကို ကြည့်သည်။ သူ၌ Abba ဓာတ်ပြားရှိကြောင်းကိုလည်း ဘယ်တော့မှ ဝန်မခံပါ။ ထိုကလေးနှစ်ဦးတို့သည် အနည်းငယ် တူပါသည်။ သိပ္ပံသဘောအရ သူတို့သည် အသားရောင်၊ သွား၊ သွေးနှင့်အရိုးတည်ဆောက်ပုံတို့ ကွဲပြားကြ ပါသည်။ ထိုကောင်လေး ၂ ဉီး လုံးမှာ ကျွန်တော်ပင်ဖြစ်သည်။ ဤဝိရောဓိက အတွေးအခေါ်ပညာရှင်များကို ရှုပ်ထွေးစေပါသည်။ ကျွန်ုပ်တို့သည် ဘဝ တစ်လျှောက်တွင် ပြောင်းလဲနေသောကြောင့် ကျွန်ုပ်တို့အစစ်က…
အပြစ်မကင်းခြင်းနှင့် ခွင့်လွှတ်ခြင်း
Human Universals (ကမ္ဘာအနှံ့ လူသားများ) ဆိုသည့်စာအုပ်၌ မနုဿဗေဒ ပညာရှင် ဒေါနယ် ဘရောင်း (Donald Brown)က လူသားတို့ဖြစ်နေကျရှိသည့် အပြုအမူ ၄၀၀ ကျော်ကို စာရင်းပြုစုထားသည်။ ကစားစရာအရုပ်၊ ဟာသ၊ အက၊ ဆိုရိုးစကားပုံ၊ မြွေနှင့်ပတ်သက်သော သတိချပ်စရာများနှင့် အရာဝတ္တု များကိုကြိုးဖြင့် အစမ်းထွင်ပြုလုပ်ခြင်း အစရှိသည်တို့ ပါဝင်သည်။ ထိုနည်းတူ အမှား/အမှန်နှင့်ပတ်သက်သော အယူအဆများ ယဉ်ကျေးမှုတိုင်းတွင် ရှိကြောင်း၊ ပေးကမ်းရက်ရောမှုကို ချီးမွမ်းသည်၊ ကတိကဝတ်ကို တန်ဖိုးထားသည်၊ ယုတ်မာမှု နှင့် လူသတ်မှုကဲ့သို့သောအရာများကို မှားယွင်းကြောင်း နားလည်ထားကြသည် ဟု သူယုံကြည်သည်။ ကျွန်ုပ်တို့၏နောက်ကြောင်းရာဇဝင် မည်သို့ပင်ရှိရှိကျွန်ုပ်တို့အားလုံး၌ ကောင်းကျိုးဆိုးကျိုးခွဲခြားတတ်သည့် သြတပ္ပစိတ်ရှိကြသည်။
လွန်ခဲ့သောရာစုနှစ်များစွာက ၎င်းအချက်မျိုးကို တမန်တော်ရှင်ပေါလု ထောက် ပြခဲ့သည်။ အမှန်နှင့်အမှား ရှင်းလင်းစွာသိအောင် ဘုရားရှင်က ဂျူးလူမျိုးများကို ပညတ်တော် ၁၀ ပါး ပေးထားလင့်ကစား…
သဘာဝဝန်းကျင်ကို ဂရုပြုခံစားခြင်း
ကျွန်တော်နှစ်သက်သော ခြေလျင်လမ်းလျှောက်သွားရသည့် နေရာတစ်ခုသို့ သူငယ်ချင်း ဂျေးဆန်နှင့်အတူ မကြာမီက သွားလည်ခဲ့သည်။ လေသင့်သော တောင်ကုန်းလေးကိုတက်၊ ပန်းရိုင်းများပေါက်ရောက်သည့်လွင်ပြင်ကို ဖြတ်ကျော် ပြီး ထင်းရှူးတောမှတစ်ဆင့် တောင်ကြားထဲသို့ဆင်းသွားပြီး ကျွန်တော်တို့ ခေတ္တ နားသည်။ အိစက်ညက်ညောသောတိမ်လိပ်များက ကျွန်တော်တို့အပေါ်၌ လွင့်ပျံ့ လျက်၊ အနီး၌စမ်းချောင်းလေးစီးဆင်းနေပြီး ငှက်ကလေးများ၏ ကျူးအေးသံ ကိုသာ ကြားရသည်။ ၎င်းအသံလေးများကို ၁၅ မိနစ်ခန့် ခံစားနားထောင်ခဲ့ကြသည်။
ထိုတစ်နေ့တာလှုပ်ရှားမှုများက ကျွန်တော်တို့အတွက် ထိရောက်သောကုထုံးကောင်းဖြစ်ခဲ့သည်။ ဒါဘီတက္ကသိုလ်မှ သုတေသနပြုချက်အရ သဘာဝဝန်းကျင်ကို ခံစားဆင်ခြင်သူများသည် ပျော်ရွှင်မှုကို ပို၍ရရှိမည်၊ စိတ်သောကအနည်းငယ်သာ ခံစားရမည်၊ ကမ္ဘာကြီးကိုစောင့်ထိန်းချင်စိတ် ပွားများလာမည်ဟုဆိုသည်။ သစ်တောထဲဖြတ်သွားရုံနှင့် မလုံလောက်ပါ။ တိမ်လွှာတိမ်လိပ်များကို "မော့ကြည့်"၊ ငှက်ကလေးများ၏ ကျူးအေးသံကို "နားထောင်"ရမည်။ သဘာဝဝန်းကျင်ထဲ၌ "ရှိနေခြင်း"ထက် သဘာဝဝန်းကျင်ကို ဂရုပြုခံစားတတ်ရန် အရေးကြီးပါသည်။
သဘာဝပတ်ဝန်းကျင်မှ ဝိညာဉ်ရေးအတွက် မည်သည့်အကျိုးရနိုင်သနည်း။ ဖန်ဆင်းခြင်းအရာများသည် ဘုရားသခင်၏…